♥ أكتب لأحيا ♥

  إزاى أكون ناجح ؟ كل يوم نصيحة هتساعدك إن شاء الله انك تكون ناجح , فى حياتك , فى شغلك , فى دراستك كل اللى عليك انك تتقبل النصيحه وتحاول تنفذها مهما حسيت انها قديمة او مش نافعه معاك او مش هتجيب نتيجة او حتى عقلك قالك انها مجرد كلام تنمية بشرية والسلام - النجاح قرار توكل على اللة وحاول وهتوصل إن شاء الله نصيحة انهارده : - خليك منظم ومرتب وهنختار تنظيم الفكر انهارده نتكلم عنه نظم افكارك انك تكتبها فى ورقه فى sticky note وخليها قدامك مش لازم تحققها بس كون انها قدامك هيخليك تحس بالمسؤولية - أدى لنفسك تقييم عن كل مهمه عملتها علشان تحس بالانجاز - إنت مش هتمشي بورقة وقلم ممكن تستخدم التليفون المهم التكرار بعد فترة هتلاقي تنظيم الافكار والمهام بقى اسلوب حياة دمتم بود ^^

وتفقد ؟! تفقد في بعض معانى الحياة ولتكن أولها " الخيال " مساحه كبيره من التفكير الحر بلا قيود ولا حدود وعلي حسب ما غذيت خيالك علي اد ما تكون إضاءة تفكيرك أثناء جولتك فيه . ونوع التغذيه بتفرق في جوده وفعالية الفتره اللي هتتخيل فيها واوعى تستصغر أمر ، فلكل شئ تأثير وحتى ان لم تلقي له بالا ، مثال ؛ لو كل يوم بتخرج لمكان ما وبتشوف الشروق على أرض خضرا او حديقه فيها زهور والوان طبيعيه ، وفجأة لم تعد تري هذا المنظر فغالبا لو غمضت عنك وسرحت فيه هتحس بشعور إيجابي ، " بين خيال الانسان وادراكه .. مسافة لا يدركها سوى حنينه " جبران خليل جبران