العروسة

افكار مجنونه جداااااااااااااااااااااااااا ^ـــ^

العروسة 

أى  حدث فى الدنيا ..أو أى ذكرى لينا او بينا 

بتكون عبارة عن فكرة .. 

الفكرة تكبر وتحلو وتبقى عروسة.. فبتجهز نفسها

 علشان تبقى زوجه  ...^ـــ^   (سنه الحياة)...

 الشباب مش هيسبوها فى حالها .....

يتقدملها الخيال والواقع...

فيما يلى مشهدين متوازين عن الخيال والواقع

عندما ذهبوا لخطبة الفكرة

المشهد الاول <<<

الخيال لابس البدلة الشيك ... وذاهب كله ثقة

 ويقين بانه هيتجوزها طرق باب البيت

فتح عمو عقل (ابو الفكرة)... بعد سلام وتحية وابتسامات

ادخلة واجلسه  فى الصالون ..و جاءت طنط مشاعر (ام الفكرة)..

وبعد بعض كلام قالوا ...اطلب يابنى .... رد الخيال...

انا جاى انهارده اتجوز بنتكم انا معايا الفلوس معايا الجاه معايا كل شئ 

تحلموا بيه ...الام فرحت وزغردت ..

الاب عاااااااقل

 سأل البنت ردت بفرحه عارمة و قالت اتجوزه يابابا ^ــ^

اتزوجها وعاشوا  فترة من الحنان ..

 فيها البسمه وفيها الضحكه لكن فترة قصيرة  جداااااااااااا

 بتنتهى بصدمه ...أو بضحكه واهمه ...أو تموت الفكره :(

المشهد التانى <<<

 الواقع لبس البدلة اللى معاه بقالها اربع سنين .. أمه الحقيقة بخرته قبل ما ينزل..دعت له بالتوفيق  

طرق باب البيت  .وفى قلبة حبة خوف ..فتحله ابوها عمو عقل وجلست طنط مشاعر وبدأ الواقع يتكلم ...

 جاى انهارده اطلب ايد بنتكم الفكرة ..نبدأ الحياة مع بعض ..

نبدأ نطبق احلامنا مع بعض ..نساعد ونشارك ونهتم

ونحمل رساله مع بعض ..اكمل بيها نص دينى .

أثناء حديثة  نظر فى اخر الطرقه ..وجد اخوات الفكرة

الايمان والخوف بيلعبوا شطرنج ...

 كمل الواقع وقال ..حالتى الماديه زى ما انتو شايفين ..

لسه طالب فى  كليه هندسة ~بكالريوس ~ وكلها ايام 

 وادور على شغل .. لكن اوعدكم انى احافظ على بنتكم ..

الام عملت نفسها ميته J... الاب عاااااااااااااقل سئل البنت

ايه رأيك .. ردت بفرحه عارمة و قالت اتجوزه يابابا ^ــ^

(اصل بينى وبينكم الفكرة عايزة تخرج من عقولنا وتطبق باى طريقة )

الواقع فيه عفوية وفيه صفات الانسان الواقعيه ..

المهم انه تزوجها وعاشوا الفتره المقدرة للفكره انها تتعاش ... 

الفكره بتكبر مش بتفضل فكره(دا العادى) ... لكن بتتحول بالواقع

والحقيقه لأجمل فعل ..وتعيش  فترتها بس بتعيش فى سعادة

وانبساط ...... ومش بالضرورة  المكسب يكون سعادة  ..ممكن

تكون  مش سعيدة ...لكن بتكون ايجابية  ومفيدة .....واحيانا

كتييييييييييرة بتكون لا سعيدة ولاايجابية وبتحصل مشاكل كتيرة ..

مع بعض كداااا

نبص على المشهدين من فوق  ونشوف ايه انسب عريس وايه 

احسن لينا ..؟؟

الخيال اللى بيموت الفكرة ولا الواقع اللى احيانا بيعيش افكارنا فى

مشاكل !!!!

 أولا الخيال مش دايما بيموت الافكار ..الخيال مصدر كبييير

جداااا للابداع ..لكن نستخدمه صح .

والواقع فيه مشاكل علشان مش بنختار 
الواقع المناسب للافكارنا

^ـ^  الواجب علينا ومسؤليتنا 
اننا  نزين الواقع  بالابداع  ونحاول

بقدر الامكان نطبق الافكار فى واقع مناسب 
 ونجوز افكارنا لواقع مبدع مناسب ^ــــــــــــــ^ 

وخليك قد تحدى الحياة