افكار مجنونه جداااااااااااااااااااااااااا ^ـــ^ اوعى تسلم نفسك

بسم الله الرحمن الرحيم

الحمدلله اللطيف الخبير ..العليم القدير ..القاهر فى ملكه الدائم فى عزة ..خالق الخلق ..باسط الرزق ..ليس كمثله شئ وهو السميع البصير

 خلق ادم بيده ونفخ فيه من روحه .. وأسكن فيه حكمته وتوارث ذلك ذريته ..فمنهم سعيد بارادتة وشقى بقدرتة

وأشهد ان لا اله الا الله وحده لا شريك له شهادة أرجو بها الخلاص وأفوز 

بها يوم الاخلاص , وأشهد أن محمدا عبده ورسوله خلقه للهدى وقد فاز به 

من اهتدى صلى الله عليه وسلم  ...... أما بعد

افكار مجنونة ... كل فكرة بتناقش تصرف  معين .. خلق ايجابى نريد تاكيده  

خلق سئ  نريد تعديله  ... تناقش امور فى الدنيا ونرنوا لان يكون رد فعلنا 

ايجابى فى هذه الامور ....

 الافكار المجنونه كتبتها لنفسى  لديرتى الصغيرة ... وقررت اكبر الدايرة

وانشرها واقولها..لاخواتى .. لاصحابى فى الكليه ..كمان اصحابى فى  

بلدى وقريتى.., فى الطريق  من بيتى لكليتى , فى طريقى لأى مكان .. 

افكار مجنونه مش مجرد افكار عدت على عقلى وحبستها على ورق ...

 افكارى المجنونه ... شئ جعلنى اشعر بمعنى الابوة ^ـــــ^ لانهن

بناتى ..وليس فقط  افكارى

ومع اول فكرة

من

افكار مجنونه جداااااااااااااااااااااااااا ^ـــ^

اوعى تسلم نفسك

 اوعى تسلم نفسك . اقتل واضرب وامشى فى جنازة اللى قتلته واوعى تسلم 

نفسك .اصل انت لو سلمت نفسك هتموت.من الهم وممكن تعيش بس 

...هتعيش ميت ...

~~~~ ايون بخالف القانون ~~~~

طيب والدين يا استاذ  ..هوا مش القتل حرام  وربنا  قال فى كتابه " ولا تقتلوا النفس التي حرم الله إلا بالحق "...... صدق الله العظيم

 وكمان  مصر بلدك وطنك  يابنى مش مستاهلة اللى بتقوله دا دلوقتى خااااااااااااااااااااااااااااااااااااااااااااااالص

طيب ممكن تسمعنى لاخر كلامى ..ربنا خلق لنا اذنين وفم واحد علشان 

نسمع اكتر مما نتكلم صح ^ــــ^

فيها ايه لما اقتل فكرة سلبية  مسيطرة عليا ...وعلى فكرى 

وفيها ايه لما اقتل خوفى السلبى  ....

~~~~~ خوفى السلبى ؟؟؟!!!~~~~~

الخوف السلبى انك تكون خايف تغلط وانت بتعرض فكرة على  مجموعة

من الناس ..أنك تكون خايف من البشر عامة ...

أنما الخوف الايجابى ربنا ذكرة فى كتابه فى اكتر من موضع ..

على سبيل المثال فى سورة النازعات

 " وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى * فَإِنَّ الْجَنَّةَ هِىَ الْمَأْوَى"

كمان فى سورة الرحمن " وَلِمَنْ خَافَ مَقَام رَبّه جَنَّتَانِ "   

عرفت الفرق بينهم

وفيها لما اضرب حبه افكار ايجابيه..تسامح مع اصرار مع تمسك

وتحدى وتوكل على الله وثقة بنفسى  ...   واعمل دماغ  ياسلام

تكون ناجحه كدااااا..... وفيها ايه لما امشى فى جنازة كسلى ويأسى

وسوء ظنى ...من هنا ورايح انا هسمى نفسى

   the positive murder  هااااااااااااااع  وهقتل اى فكرة سلبية

 مأثرة عليا وعلى حياتى ... ^ـــــــــــــ^

 و قررت اعمل حمله وهسميها  علشانك يانفسى .. رسالتها

الالفاظ والاخلاق التى لا ترضاها ..فى اقرب سله زباله اقتلها  وانساها ... 

وعلشان نكبر الحملة ياريت تشاركونى فيها ... سلة صغيرة فى اقرب مكان 

ليك فى اوضتك وحطها ..وكل يوم اكنتب لفظ  سئ انت بتقوله وارمية فى 

السلة   ^ـــ^